Jóhann Lützen: Sjúrður Skaale fer at gera eitt kanónval eisini í Klaksvík

Klaksvíkingar velja lokalt, sigst, men havnarmaðurin Sjúrður Skaale fær eitt kanónval í Norðoyggjum.

Tað væntar í øllum førum blaðstjórin á Norðlýsinum, Jóhann Lützen.

 - Sjúrður Skaale hevur staðið fyri nøkrum dagsskráum, sum ikki spæla væl í Klaksvík. Tað sum serliga ger, at klaksvíkingar velja hann í hópatal, eru hasara evnir at seta orð á Ísrael og islam-problematikkin. So hevur hann onkursvegna enduruppfunnið fólkatingssessirnar; at lata gávuregn falla á føroyingar, segði Jóhann Lützen.

Hann metti, at vælluttøkan eisini var góð í Klaksvík og fór at liggja um 70 prosent.