Skal Sjúrður Skaale skriva søgu?

Um Sjúrður Skaale fær eitt so gott val, sum veljarakanningarnar hava givið honum, og hann verður afturvaldur á Fólkating, er sannlíkt, at hann verður tað føroyska fólkatingsumboðið, sum hevur sitið longst.

Tað vísti Sólvit Nolsøe á í valsendingini hjá Kringvarpi Føroya.

Óli Breckmann var valdur seks ferðir og sat frá 1984 til 2001. Sjúrður Skaale er valdur fýra ferðir, men hann hevur sitið í 15 ár higartil. Ein heil nýggj seta merkir, at maðurin úr Javnaðarflokkinum kemur upp á 19 ár á Fólkatingi.

 - Um hann situr í trý ár aftur at, hevur hann also yvirhálað Óla Breckmann, segði Sólvit Nólsøe.