Jóhan Dávur: "Mann má bara velja onkran, tí alt er líka høpisleyst"

Jóhan Dávur Joensen, bóndi í Gásadali, var tíðliga og valdi í dag. 

"Tað er fyri at fáa dagin at røkka. Tá ið tú ert bóndi, so er altíð okkurt at gera. Tú hevur ongantíð frí."

Jóhan Dávur hevði ikki nógv gott at bera uppstillaðu politikarunum. 

"Mann má bara velja onkran, tí alt er líka høpisleyst," staðfesti hann sogliga. 

Hann umhugsaði at velja lokalt, men tað hevur minni at siga, enn at fólk hava nakað skilagott upp á hjarta.

"Tey snakka so skítbýtt, tá ið tey agitera. Tey tosa um hús. Blakið ferðafólkini úr húsunum og byggið hotell, so loysir trupulleikin seg sjálvan," heldur Jóhan Dávur, bóndi í Gásadali.

Hann heldur ikki, at bøndur eiga nakran góðan í politisku skipanini.