Tvey val í fólkakirkjuni

Føroyska fólkakirkjan er almennur stovnur, og partar av bygnaðinum eru skipaðir fólkaræðisliga. 1. januar í fjør vóru 76,1 prosent av fólkinum í Føroyum limir í fólkakirkjuni, og tey velja kirkjuráðini kring landið.

Í bygnaðinum í fólkakirkjuni eru eisini Próstadømisráðið, har próstur situr og fýra valdir limir. Og so er tað Føroya stiftsstjórn, har bispur situr, ein embætismaður valdur av landsstýrinum og ein valdur limur.

Jógvan Fríðriksson, bispur, er eisini formaður í valstýrinum, og hann greiðir frá valunum báðum, sum vórðu tald upp í gjár.