ÍF koppaði sigursvandu klaksvíkingunum

Mjølnir, sum hevur verið í sjey steypafinalum á rað, skal ikki verja heitið í ár.

ÍF steðgaði nevniliga longu sigursrøðini hjá klaksvíkingum við 3-1 sigri í hálvfinaluni í Kollafirði leygardagin.

Fuglfirðingar vunnu fyrsta settið, áðrenn Mjølnir javnaði til 1-1 eftir tógvi stríð. ÍF fótaði sær tó kortini aftur, og vann triðja og fjórða sett sannførandi og uttan stórvegis trupulleikar.

ÍF - Mjølnir, 3-1 (25-17 24-26 25-19 25-19)

Í hinari hálvfinaluni var SÍ stórfavorittur ímóti Fleyr, men tað sást ikki aftur í tveimum teimum fyrstu settunum. 

Fleyr vann tað fyrsta trygt og annað sett 26-24, og so var brádliga 2-0 til havnarliðið. 

SÍ fótaði sær kortini í stórum stíli, við trimum settsigrum á rað. Javnbrótarin endaði 14-6 til sørvingar, sum nú fara eftir greipuni.

SÍ - Fleyr, 3-2 (20-25 25-27 25-16 25-18 15-6)