Mjølnir fekk uppreisn eftir FM-finalutap

Kvinnurnar hjá Mjølni fingu uppreisn fyri FM-finalutapini, tá tær vunnu 3-0 á SÍ í hálvfinaluni í steypakappingini leygardagin.

Munurin millum liðini er ikki so stórur, men tá settini skulu avgerast eru klaksvíkingar hvassari.

Teir vanliga so treisku sørvingarnir royna tað, teir kunnu, men norðingarnir halda fast, vinna øll trý settini rímiliga sannførandi og fara í finaluna.

Mjølnir - SÍ, 3-0 (25-22 25-19 25-21)

Í hinari hálvfinaluni eydnaðist TB at vinna á Fleyr.

Havnarliðið fór avstað við spennandi fyrsta settinum, sum endaði 27-25 eftir settbólt til TB stutt frammanundan.

Síðan skiftast liðini um at vinna stórt. TB javnar til 1-1, Fleyr spælir seg framum aftur, áðrenn suðuroyingarnir aftur javna í fjórða setti.

So skal javnbrótari til, og tá er TB ruddiliga við yvirlutan og vinnur 15-11.

TB - Fleyr, 3-2 (25-27 25-11 16-25 25-18 15-11)