Vaksandi vatntørvur í høvuðsstaðnum

Hvør føroyingur brúkar í miðal 310 litrar av vatni um samdøgrið, meðan ein dani brúkar 110 litrar um samdøgrið, tað vísir Fríður Pálsson Dalsgarð á. Hann er tekniskur stjóri í Tórshavnar kommunu og heitir á havnarfólk um at hjálpa til við at minka vatnnýtsluna. 

Við verandi bústaðarútbyggingum í høvuðsstaðnum fer vatnnýtslan at økjast góð 20 prosent í nærmastu framtíð.

Tórshavnar kommuna fer væntandi í gongd við arbeiðið at økja vatnveitingina í Villingardali í næstum, sigur tekniski stjórin, Fríður Pálsson Dalsgarð.