FM á langgeil: Bartal bøtti um egið met

Bartal Eidesgaard gjørdi ikki mætari enn at bøta um sítt egna met í 50 metur frísvimjing sunnudagin. Ikki bert eina ferð, men tvær ferðir.

Nýggja metið hjá stinna svimjaranum úr HS er 23,13 sekund.

Ikki nóg mikið við tí. Bartal Eidesgaard var eisini partur av stafettini hjá Havnar Svimjifelag, sum setti føroyskt met í 4x100 metur frí, saman við Isaki Brisenfeldt, Silas Dam Lindberg og Óla Mikkelsen.

Har eitur nýggja mettíðin 3.31,87 minuttir.