Gunnar til París við Team Rynkeby: Vil geva nakað aftur

Í dag súkkla føroysku Team Rynkeby luttakararnir sonevnda prologin, áðrenn leiðin gongur til París.

Millum teir 63 føroysku luttakararnar er Gunnar Christiansen, sum er við fyri fyrstu ferð. Hann hevur eina heilt serliga orsøk til at súkkla.

Tá sonur hansara var álvarsliga sjúkur, fekk familjan stuðul frá Team Rynkeby. Gunnar sigur, at hjálpin, sum familjan fekk tá, hevði stóran týdning.

Nú vil hann geva nakað aftur. Tí hevur hann valt at súkkla við Team Rynkeby og vera við til at savna pengar inn til álvarsliga sjúk børn og familjur teirra.