Føroyskt fyri tilflytarar í vanda

Føroyskt fyri tilflytarar í vanda
Óskipað viðurskifti fyri undirvísarar í føroyskum sum annaðmál kunnu hava keðiligar avleiðingar fyri fakøkið. Tað stúrir Elisabeth Holm, sum granskar á økinum, fyri
30.06.2026 - 19:26

Fleiri og fleiri tilflytarar koma til landið, og við tí er tørvurin á útbúnum lærarum at undirvísa teimum vaksandi. 

Tað sigur Elisabeth Holm, granskari í føroyskum sum annaðmál. 

Men sum er, hava óskipaðar umstøður ført til, at lærarar við útbúgving í føroyskum sum annaðmál hava sagt seg úr starvi.

 

Gondin er skeiv

Hetta er ein skeiv gongd, heldur Elisabeth Holm.

- Talan er um eitt nýtt fak og granskingarøki, og er tað nakað, mann átti at gjørt, so er tað at hjúkla um hesar lærarar, sum hava nomið sær hesa útbúgvingina. 

Trupulleikin fyri nakrar lærarar hevur seinastu tvey árini verið, at hesir lærarar hava arbeitt undir sáttmála fyri miðnámsskúlalærarar. Einum sáttmála, sum í løtuni ikki er skipaður eftir arbeiðsdegnum hjá FSA-læraraum, sum ikki undirvísa minámsskúlalærarum, men vaksnum tilflytarum. 

 

Eingin loysn funnin

Yrkisfelagið Miðnám hevur saman við Undirvísingarstýrinum og Fíggjarmálaráðnum roynt at funnið eina loysn. Hetta er tó ikki eydnast enn, hóast tvey ár eru liðin. 

Elisabeth Holm skilir væl, at hetta er torført:

- Tú kanst ikki kroysta hesa FSA-skipanina fyri vaksin inn í ein karm, sum hóskar júst til miðámsøkið, og at blanda tey saman, er blivið ein verri fløkja.

 

Trupulleikin er støðið

Millum annað vísir tað seg at vera trupult at skipa tímar til fyrireiking og lønarkarm fyri FSA-lærararnar í sáttmálanum, tá hesir lærarar ikki hava eina fullfíggjaða kandidatútbúgving. 

Tá ið útbúgving var boðin út á sinni, bleiv hon nevniliga nevnd ein diplomútbúgving á kandidatstøði. 

Hon hevur tí ikki somu ECTS-stig, sum ein fullfíggjað kandidatútbúgving hevur. 

 

Átti at verið gjørligt

Men at hetta skal skilja partarnar at, skilir Elisabeth Holm ikki. 

Og spurd um hon heldur, at FSA-lærarar áttu at verið javnsettir við kandidatar, tá tey ikki eru kandidatar, er svarið:

- Ja, tað er sum so á sama stigi, tað kundi mann avgjørt. Mann kundi so skilt millum lønarstigini, tá hesir lærarar ikki hava ein fullan kandidat. Tað verður til dømis gjørt frammanundan í akademikarasáttmálanum, sigur Elisabeth Holm.

 

Kann hava avleiðingar

Tað er ein óheppin gongd at lærarar siga seg úr starvi, og hetta kann eisini fáa avleiðingar framyvir, sigur Elisabeth Holm.

Fleiri og fleiri tilflytarar koma hvørt ár til landið, bæði børn og vaksin.

Tí hevur tørvurin aldri verið størri á útbúnum lærarum at læra málið frá sær sum nú, sigur Elisabeth Holm.

 
Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565