Góð sterk tøk hjá góðum tungum damum

Víkingur úr Havnar Róðrarfelag hevur lagt eitt sindur av sjógvi millum seg og Froðbing í FM-stríðnum hjá 6-mannaførum við kvinnum.

Tað eydnaðist havnarkvinnunum at vinna á tvørkvinnum á fjarðastevnu í Vestmanna, og tí eru tvey stig millum bátarnar, nú tríggjar stevnur eru eftir at rógva.

 - Vit royna altíð at taka á saman og finna okkara stev. Tey góðu sterku tøkini hjá góðum tungum damum, segði Jenny Persson av Víkingi.

Sambært henni hevur tað stóran týdning, at tær umborð kenna hvørja aðra væl.

 - Tað snýr seg nokkso nógv um álit. At mann veit, at allar koyra full drøn á kassan. Sjálvt um tú ert móður, so veitst tú, at har eru fimm aðrar damur, sum koyra 100 prosent á, so tú kanst ikki steðga, segði Jenny Persson.