Serskúli ikki ráð til leikur

Í síðstu viku fekk Skúlin á Trøðni nógvar nýggjar leikur. Tað er Javni, sum hevur søkt Elsassfonden í Danmark um stuðul til skúlan, og tey valdu at stuðla við 100.000 krónum.

- Tey 71 børnini á Skúlanum á Trøðni og tey 20 í frítíðarskúlanum fáa stóra gleði av leikunum, sigur Fríðbjørg Sunadóttir Fríðheim, skúlastjóri á Skúlanum á Trøðni.

Tað er Javni, sum metti, at skúlin hevði tørv á nýggjum leikum.

At stuðla einum skúla er ikki beinleiðis uppgávan hjá Javna, men felgið valdi kortini at gera tað, sigur Helena Jørmundsdóttir, forkvinan í Javna.

Skúlin á Trøðni metir seg ikki hava ráð á fíggjarætlanini fyri skúlan, at brúka pening til at keypa leikur.

Tað eru kommunurnar, ið rinda fyri útgerð til vanligu fólkaskúlarnar, men tá ið talan er um Skúlan á Trøðni, er tað landið, ið varðar av.