Flogvallarstjóri: Atlantsflog røkir ikki smáu marknaðirnar

Atlantsflog eigur at flúgva oftari til Íslands, Noregs og Billund. Tað er ikki nøktandi fyri handilsvinnuna bara at flúgva tvær ferðir um vikuna.

Tað sigur stjórin í Vága Floghavn, Jákup Sverri Kass.

Hann heldur, at Atlantsflog eigur at røkja marknaðir, sum liggja nærindis Føroyum, betur. Tí kanningar hjá Vága Floghavn vísa, at grundarlag er fyri at satsa meira upp á hesar marknaðir.