Sandoyartunnilin 200 mió. kr. dýrari enn mett

Landsverk hevur gjørt eina nýggja kostnaðarmeting av Sandoyartunlinum. Tunnilin, sum upprunaliga varð mettur at kosta 600 til 660 milliónir krónur, verður nú mettur at kosta 863 milliónir.

Landsverk mælti á fundi í tunnilsbólkinum hósdagin til, at tunnilin kemur upp í Traðardali, millum Skopun og Sand. Hesin tunnilin verður góðar 10 kilometrar til longdar.