Stórur makrelur á nýggjari fiskileið undir Føroyum

Makrelur upp í móti hálvum kilo.

Nótaskipini fáa stóran og góðan makrel á einari leið, har sum tey ikki hava roynt so nógv fyrr. Og har ber til at fiska makrel reint, eingin sild er uppií.

Men trupulleikin hjá teimum er, at kvoturnar í ár eru um at vera uppi. Tróndur í Gøtu kom á Tvøroyri í gjárkvøldið við 1400 tonsum av makreli eftir fiskarí í tvær nætur.

John Mikkelsen er skipari. Hann letur væl at fiskiskapinum eystur av Sandoyarbanka og Nólsoyarbanka.
 

Myndatekstur: Tróndur í Gøtu á fiskileið