Suðuroyingar varðveita føðideildina

Barnakonur sleppa framvegis at eiga í Suðuroy, tí føðideildin á Suðuroyar sjúkrahúsi verður ikki flutt til Havnar.

Tað sigur Karsten Hansen, landsstýrismaður í heilsumálum.

Tað var landslæknin, Høgni Debes Joensen, sum mælti til at lata føðideildina í Suðuroynni aftur. Landslæknin hevur víst á, at tað er tryggast, at allar føðingar í Føroyum eru á Landssjúkrahúsinum, tí fakligi førleikin er størri har enn á smáu sjúkrahúsunum. Millum annað er gynækologur og narkosu-lækni ikki tøkur reguliga, og ongin barnalækni er á føðideildini í Suðuroynni.

Men landsstýrismaðurin fer ikki at gera, sum landslæknin mælir til.