Barnahúsið latið upp

Nú letur fyrsta Barnahúsið upp í Føroyum.

Barnahúsið skal tryggja, at førleikarnir at taka sær av kynsligum ágangi og øðrum harðskapi ímóti børnum eru savnaðir á einum stað.Fyri at verja anonymitetin hjá børnunum og familjuni, verður ikki upplýst, hvar Barnahúsið heldur til.

Samstarvsavtalan varð undirskrivað fyrrapartin. Barnaverndarstovan fer at umsita og reka Barnahúsið. Tað eru løgreglan og heilsumyndugleikarnir, sum samskipa Barnahúsið.