Peningastovnar fáa ikki veð í veiðiloyvum

Tað er ikki politiskur meiriluti fyri at geva peningastovnunum veð í veiðiloyvum.

Tað sigur Jacob Vestergaard, landsstýrismaður í fiskivinnumálum.

Nú tinglýsingarlógin verður broytt, hava peningastovnarnir gjørt viðmerkingar til uppskotið, og teir mæla enn einaferð til, at teir eiga at fáa veð í fiskiloyvum og aliloyvum.

Jacob Vestergaard væntar heldur ikki, at undirtøka verður fyri, at veiðiloyvi skulu setast í veð, nú arbeitt verður við einari nýggjari fiskivinnuskipan.