Hava ikki slept ætlan um stjórnarskipan

Hóast Tjóðveldi hevur lagt fram uppskot um at broyta stýrisskipanarlógina, hevur flokkurin framvegis ein dreym um eina nýggja stjórnarskipan.

Men í løtuni eru lítil og onki útlit til at fáa eina stjórnarskipan, sigur Gunvør Balle, talskvinna fyri Tjóðveldi.

Í næstu viku fer tingið at viðgera uppskotið frá Tjóðveldi, sum m.a mælir til almennar hoyringar og samráð. Eisini skjýtur flokkurin upp, at tað skal vera lættari at fáa llógaruppskot til fólkaatkvøðu.