Noyðast at fáa fríhandilsavtalu við Kina

Skulu vit útflyta meira til Kina, og ikki tapa kappingina við grannalondini, er tað týdningarmikð, at Føroyar fáa eina fríhandilsavtalu við Kina.

Tað sigur Marita Rasmussen, stjóri í Vinnuhúsinum

Á Løgmansskrivstovuni siga tey, at samráðingar eru við Kina um fríhandilsavtalu. Áheitan um avtalu varð send kinesisku myndugleikunum fyrst í hesum árinum. Løgmansskrivstovan sigur, at Kina hevur víst áhuga fyri at gera avtalu, og tí eru vónirnar góðar. Men tað er ilt at siga, hvussu langa tíð tað fer at taka at fáa hana í lag.

Tað tók Íslandi sjey ár at fáa fríhandilsavtalu við Kina.

Samráðingarnar við Russland um fríhandilsavtalu við Føroyar byrjaðu í 1999, men eingin avtala er gjørd enn.
 

Mynd: Marita Rasmussen er stjóri í Vinnuhúsinum