Barnabati kannar barnatrivnað

Í heyst fer felagið Barnabati at kanna, hvussu børn í Føroyum trívast. Hetta er ein barnarættindakanning.

Næmingar í 6. og 8. flokki, umframt fyrstaársnæmingar í miðnámsskúlunum, skulu svara spurningum í stóru trivnaðarkanningini.

Umboð fyri Barnabata fara út á skúlarnar eftir summarfrítíðina, og tað fer at taka 30 - 45 minuttir at svara skrivligu spurningunum frá Barnabata.

Djóni Eidesgaard er samskipari og leiðari í Barnabata.