Handverkarar vilja hava meiri løn

Handverkararnir í Føroyum ætla sær at fara munandi meira upp í løn.

Føroya Handverkarafelag segði í gjár sáttmálan upp á privata arbeiðsmarknaðinum at fara úr gildi 1. oktober, og hesaferð ætlar felagið sjálvt at seta karmarnar fyri lønina.

Lønin er so lág, at handverkarar rýma av landinum at arbeiða. Og tí má okkurt gerast, sigur Suni Simonsen, formaður í Føroya Handverkarafelag.

Ein fastløntur handverkari í Føroyum fær góðar 22.000 krónur um mánaðin. Hetta er orsøkin til, at føroyskir handverkarar rýma av landinum at arbeiða, heldur felagið.

Mynd: Suni Simonsen er formaður í Føroya Handverkarafelag