Skip við Vestaru bryggju fáa landstreym

Skip og bátar, sum avreiða til Barðið á Vestaru bryggju í Havn, fara skjótt at fáa streym úr landi. Frameftir skulu skip binda í landstreym, tá ið tey koma inn at landa, ella liggja har.

Tórshavnar kommuna og Install hava gjørt sáttmála um landstreym.

Nógv virksemi er á Vestaru bryggju.

Serliga tey, sum búgva úti á Reyni, fara at sleppa undan óljóði frá skipum, tá skipini fáa streym úr landi, skrivar kommunan á heimasíðuni.