Nýta øll vápn í samráðingum um uppsjóvarfisk

Øll vápn verða brúkt í samráðingunum um uppsjóvarfiskin, og tað kann eisini hava við sær, at vísindini verða misbrúkt.

Tað sigur Jacob Vestergaard, landsstýrismaður, sum í gjárkvøldið var gestur í sjónvarpsstovuni í Degi og Viku.

ES hevur leingi verið ónøgt við svartkjaftabýtið, og tað eru greið tekin um, at ES fer at krevja meira í sín part, tá samráðingarnar vera í heyst.

Jacob Vestergaard heldur, at Føroyar hava góða støðu í samráðingunum um svartkjaftabýtið, og hann sigur, at at Føroyar neyvan fara at slaka í síni kvotu, um ES vil hava meira.