Kommunur fáa forskatting av pensjónum

Landsstýrið hevur onga ítøkiliga ætlan um, hvussu landið og kommunurnar skulu fíggja ætlaða skattalættan til lág- og miðallønt.

Men uppskotini úr landsstýrinum eru, at kommunurnar minka sínar útreiðslur og leggja brúkaragjald á virkir og privatpersónar.

Landsstýrið ætlar, at kommunurnar skulu vera við at fíggja ein skattalæta til tey lágløntu og miðalløntu. Men tað hava kommunurnar ikki ráð til, sigur Heðin Mortensen, formaður í Kommunufelagnum.

Jørgen Niclasen, landsstýrismaður í fíggjarmálum, sigur, at við eldraøkinum fáa kommunurnar aðrar inntøkur, millum annað størsta partin av forskattingini av pensjónum. Og aðrir møguleikar eru eisini.

Jørgen Niclasen og Heðin Mortensen vóru í kjakinum í Degi og Viku í gjárkvøldið.