Byggja kanska fýra skip afturat

Partafelagið Thor hevur álit á framtíðar oljuvinnuni, nú felagið hevur fingið sítt fyrsta av fýra frálandaskipum, sum felagið byggir í Turkalandi.

Felagið fekk um vikuskiftið Thor Magna, sum fer í vinnu í næstu viku.

Thor hevur langtíðarsáttmálar við PGS, sum er eitt altjóða seismikkfelag, ið kannar kolvetni í undirgrundini.

Útlitini eru so mikið góð, at Thor kanska fer at byggja fýra líknandi skip aftrat á Besiktas skipasmiðjuni í Turkalandi, sigur Hans Andrias Kelduberg, stjóri í Thor.