Tað er vorðið munandi dýrari at seta matin á borðið.<br/>
Seinastu fimm árini eru prísirnir á mati og drykkjuvørum hækkaðir meira enn 30 prosent.<br/>
Hetta seinasta árið er mat- og drykkjuvørur vorðnar knapt eitt prosent dýrari, men kjøt er dýrkað nærum átta prosent.<br/>
Men hví er maturin so nógv dýrari?<br/>
Er tað fyrst og fremst kríggj, kreppur og príshækkingar uttanlands, sum er orsøkin? <br/>
Ella er eisini okkurt við føroyska matvørumarknaðinum og kappingini, sum eisini trýstir prísirnar uppeftir?<br/>
Matvøruprísir er evnið í Breddanum í dag.<br/>
Gestir: Heri Joensen, hagfrøðingur á Hagstovuni, og Bjarni Dal-Christiansen, fulltrúi í Kappingareftirlitinum.<br/>
Gjørt sendingina hava: Birita Matras Petersen og Sigurjón Einarsson, sum eisini er redaktørur.