Sirið Stenberg: Dímun er í serstøðu

Trupulleikarnir við drekkivatninum í Stóru Dímun er ein serstøða, tí kommunan er so lítil, at tað kann vera torført at klára útreiðslurnar.

Tað sigur landsstýriskvinnan í kommunumálum, Sirið Stenberg, sum lovar at kanna, hvørjar loysnir eru.

Stóra Dímun hoyrir undir Skúvoyar kommunu.

Borgarstjórin, Harry Jensen, sigur, at tað er sera dýrt hjá kommununi at loysa trupulleikarnar við drekkivatninum, tí talan verður um eina umfatandi vatnleiðing og eitt stórt arbeiði. Eftir hansara tykki má landið hjálpa til.