Skapa tørv fyri at fáa fólk aftur í oynna

Dennis Holm, borgarstjóri í Vági, vil ikki hava sitandi á sær, at ætlanin hjá Vágs býráði um ein ítróttareftirskúla er sett í verðina fyri at skapa tvídrátt um ætlaða eftirskúlan í norðaru helvt á Suðuroynni.
Talan um tvær ymiskar verkætlanin, og tørvur er á báðum, heldur borgarstjórin.

Hoyr eisini: Tí er skúlin ikki búgvin, sigur Rigmor Dam, landsstýriskona

Ætlanin hjá Vágs býráði er at hýsa eftirskúlanæmingunum í somu smáttunum, sum í dag hýsa næmingunum á ítróttarháskúlanum. Og harumframt er nógv orka seinastu árini løgd í at fáa til vega umstøður til ítróttin í kommununi, eitt nú langhylurin.
Dennis Holm kennir einki til, at Kristin Michelsen, borgarstjóri á Tvøroyri, skal hava hótt við at slíta samgonguna, um peningur verður játtaður til ítróttareftirskúlan í Vági.