Privatir byggja 108 lestraríbúðir í Marknagili

Eitt smápartafelag hevur í umbúna at byggja 108 lestrarbústaðir í Marknagili í Havn, skamt frá skúladeplinum Glasi.

Talan er um smærri íbúðir, sum verða innfluttar sum bingjur, og settar saman til lestrarbústaðir. Íbúðirnar eru millum 14 og 31 fermetrar til støddar

Fyrsta byggistig fevnir um 38 bústaðir, meðan 70 bústaðir skulu byggjast í øðrum byggistigi.

Eftir ætlan skulu fyrstu 38 bústaðirnir vera klárir at flyta inn í,longu í summar, sigur Gordon Rajani, stjóri í smápartafelagnum Mark.

Økið í Marknagili, har lestrarbústaðirnir skulu byggjast, er sambært byggisamtyktini ætlað til sethús, tvíhús og raðhús.

Byggi- og býarskipanarnevndin hjá Tórshavnar kommunu mælir býráðnum til at gera eina serstaka byggisamtykt fyri økið, ið loyvir íbúðarbygging av hesum slag.

Málið kemur fyri býráðið hóskvøldið.