Vánalig útlit fyri semju um fiskivinnunýskipan

- Útlitini fyri breiðari semju um eina fiskivinnunýskipan eru verri eftir seinasta fundin við landsstýrismannin.

Tað sigur Bárður Nielsen, formaður í Sambandsflokkinum, sum í gjár var á fundi við Høgna Hoydal.

Andstøðan hevur fleiri ferðir eftirlýst, at landsstýrismaðurin í fiskivinnumálum er meira ítøkiligur í samráðingunum.

Sambært Bárði Nielsen var Høgni Hoydal á fundinum í gjár loksins meira ítøkiligur. Men tað bøtti ikki um samráðingarnar, tvørturímóti.