- Minnilutastjórnir elva til inklusivt tingarbeiði

Minnilutastjórnir- ella samgongur elva til eitt betri og meira inklusivt tingarbeiði, og eisini til meira varandi politisk úrslit.

Tað sigur Lars Løkke Rasmussen, forsætisráðharri, sum var til landsfund hjá Sambandsflokkinum í gjár.

Í løtuni hevur Føroyar eina minnilutasamgongu, men hetta er óvanligt í føroyskum politikki.

Lars Løkke Rasmussen vil ikki blanda seg í føroyska tingarbeiðið, men av egnum royndum heldur hann eina minnilutasamgongu vera nakað, sum tvingar tingfólk at arbeiða semjusøkjandi.

Og varandi politisk úrslit hava positivar avleiðingar fyri vinnulív og samfelagsbúskap, sigur hann.

Hoyr brot úr samrøðuni við Lars Løkke Rasmussen omanfyri.