Tign finst hvassliga at VEKS

Felagið Tign finst hvassliga at avgerðini hjá Veks-samstarvinum um at flyta 80 ára gamla mannin av røktarheiminum, har hann hevur búð seinastu árini.

LES EISINI: VEKS flytur dementan mann á nýtt røktarheim

Tign er áhugafelag hjá teimum, sum vegna brek ella aldur, hava tørv á røkt.

Málið er sera illa handfarið, sigur Betsy Ludvig, sum er skrivari í Tign og eisini løgfrøðingur.

- Vit hava sæð avgerðina, sum er grundað á fíggjarlig atlit. Avgerðin er eitt alt ov stórt inntriv, til at grunda avgerðina á fíggjarlig atlit. Tað er sera illa handfarið, sigur Betsy Ludvig. 

Tað ber ikki til at fara í holt við hetta, uttan at fremja hoyring, tí tá verða hvørki fyrisiting ella mannarættindi vird, leggur Betsy Ludvig afturat. 

Tign hevur kært málið til kærunevndina í Almanna- og Heilsumálum, men Tign hevur ikki kærurætt.

- Eg eri bangin fyri, at málið endar við, at hann fer at líða órætt, meðan vit øll standa og hyggja, tí vit ikki fáa gjørt nakað, sigur Betsy Ludvig.  

Hoyr samrøðu við Betsy omanfyi.

SÍ EISINI: Noyddur at flyta røktaraheim