Nýggj føroysk sendistova í fjareystri

Samhandilin millum Føroyar og fjareystur er vaksin nógv, og tí hevur Poul Michelsen, landsstýrismaður í uttanríkismálum avgjørt, at seta eina nýggja sendistovu í fjareystri á stovn.

Høvuðsendamálið við sendistovuni í fjareystri verður at tryggja støðufesti í avtalunum Føroyar hava við londini í fjareystri. Sambært landsstýrismanninum kann hetta gerast við at fáa eitt føroyskt umboð á staðið.