Politikarar mugu taka prinsippavgerð um stýrislim

07.12.2018 - 12:45
AktueltHeilsa
Politikarar mugu taka prinsippavgerð um stýrislim
Fyrr fær Heilsumálaráðið ikki svarað Novo Nordisk grunninum um tilboðið um at byggja eina miðstøð fyri sukursjúk í Føroyum, sigur Sirið Stenberg:
Sirið Stenberg er ikki liðug við tilboðið frá Novo Nordisk grunninum.

Tak niður

Politiska skipanin noyðist fyrst at taka støðu til prinsippið um, at ein privat heilivágsfyritøka fær ein lim í stýrið fyri eina viðgerðarstøð í Føroyum, í føroyska sjúkrahúsverkinum.

Fyrr fær Heilsu- og Innlendismálaráðið ikki svarað Novo Nordisk grunninum endaliga um tilboðið haðani um at byggja eina miðstøð fyri sukursjúk í Føroyum.

Heilsu- og Innlendismálaráðið hevur havt so nógv onnur stórmál í ár, at stundir hava ikki verið til at viðgera júst hetta málið liðugt eftir fundin við Novo Nordisk grunnin í summar, sigur Sirið Stenberg, landsstýriskvinna.

Sirið Stenberg sigur, at vit vita ikki enn, hvat hesin eini stýrislimurin hjá Novo Nordisk grunninum fær innlit í um føroyska fólkið og hvørjar persónsupplýsingar stýrislimurin fær.

Í stýrinum skulu vera fimm fólk, hini fýra skulu vera úr føroyska sjúkrahúsverkinum.

Sirið Stenberg sigur, at sjálvandi verður Diabetisfelagið tikið við í viðgerðina.

Hetta málið hevur einki við gransking í Føroyum at gera. Føroyingar kunnu enn sum fyrr søkja um granskingarpengar úr Danmark, sigur Sirið Stenberg. 

Diabetismiðstøðin, har fýra ella fimm fólk skulu arbeiða, skal ikki kosta Føroyum nakað.  

Novo Nordisk grunnurin hevur sett av seks milliardir krónur til at byggja Steno Diabetes miðstøðir í donsku landpørtunum, og eisini í Grønlandi og Føroyum. Fyribils fimm í Danmark og eina í Grønlandi. 


 
 

 
 
Nýggjastu sendingar í ÚV
Fríggjadag 24. mai
Síðsta skríggj 24.mai 2019
94858
Fríggjadag 24. mai
Góðan morgun Føroyar 24. mai 2019
94838
Fríggjadag 24. mai
Morgunlestur fríggjadagur 24. mai 2019
94656
Nýggjastu sendingar í SV
Hósdag 23. mai
Andglettur: Framsókn
94822
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638