Fólkatalið: Størsti vøksturin í Runavíkar kommunu

Fólkatalið í Føroyum er aftur farið upp um 52.000. Tað búgva 807 fólk fleri í landinum nú enn 1.desember í 2018.

Tað skrivar Hagstovan.

Tað eru serliga í teimum stóru kommununum, at vøksturin er størstur.

Tórshavnar kommuna vaks 1,6 prosent seinasta árið, meðan Runavíkar kommuna vaks trý prosent.

Borgarstjórin í Runavíkar Kommunu, Tórbjørn Jacobsen, sigur, at fyri fýra árum síðani var lítil broyting í fólkatalinum í kommununi.

Men tvey tey seinastu árini er kommunan av álvara farin at vaksa.