Ógjørligt at avmarka ræðisættin hjá lánsveitarum

Tað er ógjørligt at staðfesta og avmarka ræðisrættin hjá útlendskum minnilutaeigarum í føroysku fiskivinnuni, samstundis sum teir lata reiðaríum lán.

Tað sigur Eyðfinnur Jacobsen, advokatur, sum umboðaði Fiskimálaráðið móti reiðarínum Northwest Pelagic.

Fiskimálaráðið tapti, og Eyðfinnur Jacobsen hevur síðani mælt Fiskimálaráðnum frá at royna málið í landsrættinum.

Og nú hevur Jacob Vestergaard, landsstýrismaður, gjørt av at sleppa málinum.