Innlit kann skaða kappingarførið

Tað gjørdist rættiliga skjótt greitt undir orðaskiftinum í tinginum í dag, at uppskotið hjá Tjóðveldi um at víðka løgtingslógina um innlit í fyrisitingina, so at hon eisini fevnir um almenn partafeløg, verður neyvan samtykt.

Christian Andreasen, formaður í rættarnevndini, var framsøgumaður hjá Fólkaflokkinum.

Hann segði, at lógarbroytingin kann raka kappingarførið hjá almennum partafeløgum.

Beinta Løwe, sum var framsøgukvinna hjá Tjóðveldi, segði, at uppskotið leggur uppfyri, at fyritøkur sleppa undan at veita innlit í viðurskifti, ið kunnu skaða kappingarførið.