Fleiri ferðafólk enn Mykines tolir

Ferðafólkatalið í Mykinesi er nú størri enn tað, sum oyggin tolir.

Menningarætlan við ítøkiligum tiltøkum skal orðast, sum skal verja fugl og lendi, og sum eisini skal gera ferðavinnuna í Mykinesi burðardygga.

Tað er niðurstøðan í nýggjum tilmæli, sum er kunngjørt í dag.

- Tað er serliga gongdina í Mykineshólm, sum neyðugt er at tálma, sigur Jóhan Pauli Helgason, menningarleiðari hjá Visit Faroe Islands.

Sørvágs kommuna, Visit Faroe Islands, Umhvørvisstovan, Havstovan, Visit Vágar og Tjóðsavnið hava orðað tey 10 tilmælini.

Tilmælini eru send Ramsar-nevndini fyri Mykines til kunningar, og alt tilmælið verður lagt fram á almennum borgarafundi í Sørvági hóskvøldið klokkan 19.