Korona rakar tey, sum ikki hava koronu

Vanliga er tað so, at tann, ið bíleggur skanningar, gevur sjúklingi boð um úrslitið.

Men tað hendi ikki, tá ein 74 ára gamal maður úr Skopun, skuldi hava boð um síni skanningarúrslit.

Tummas í Garði, læknastjóri í Sjúkrahúsverki Føroya, sigur, at sum støðan er í dag, og koronutilbúgvingin er í hæddini, eru fleiri øki á sjúkrahúsinum sperd.

Læknastjórin ásannar, at korona gongur út yvir sjúklingar, sum ikki hava koronu, tí at sjúkrahúsið er í eini tilbúgvingarstøðu.

Men hann vísir staðiliga aftur, at palliativa eindin er niðurløgd, hóast tey avvarðandi hjá sjúklinginum siga seg hava fingið at vita, at eindin so at siga er óvirkin í løtuni.

– Eindin er ikki niðurløgd. Í hesum førinum hendi eitt mistak, sigur Tummas í Garði, læknastjóri í Sjúkrahúsverki Føroya.

Irdi Mittelstein úr Skopun varð skelkað, tá hon tilvildarliga fekk boðini frá kommunulæknanum, at krabbameinið hjá pápanum hevði breitt seg.

Hoyrið Irdi Mittelstein greiða frá.