16 ára gomul genta deyð av covid-19 í Fraklandi

Gentan hevði onga aðra sjúku, skrivar franska tíðindastovan, AFP.

Frá mikudegnum og til í gjár doyðu 365 fólk í Fraklandi orsakað av covid-19, og 16 ára gamla genta var ein teirra, - hon doyði í Paris, upplýsir heilsstjórin, Jerome Salomon.

- Hetta er ræðuligt. Vit skuldu bara liva eitt valigt lív, sigur mamman, Sabin, við AFP.

Hon greiðir frá, at dóttirin, sum franskir miðlar hava nevnt, Julie A, fyri einari viku síðani fór at hosta. Leygardagin tivaði hon, og varð løgd inn á sjúkrahús og kannað fyri covid-19. Gentan versnaði, og hósdagin varð andlátið kunngjørt. 

16 ára gamla gentan hevði onga aðra sjúku.

- Frá byrjan av fingu vit at vita, at sjúkan var ikki vandamikil fyri ung fólk. Og vit trúu tí, eins og øll onnur, sigur mamman.

Í Fraklandi eru tilsamans 1.698 deyð eftir at verða smittað av koronavirus. Meira enn 29-túsund eru smittað.