Fakfeløg vilja samráðast hvørt sær

15 fakfeløg eru eftir at gera sáttmála við Fíggjarmálaráðið, og líkt er til, at samráðingarnar verða bæði drúgvar og harðar.

Tí á fundi við fakfeløgini hálvan mai, mælti Jørgen Niclasen, landsstýrismaður, til, at tey 15 fakfeløgini ,sum eru eftir, samráddust saman, so tey fingu somu lønarhækking.

Hækkingin skuldi vera 0,8 prosent fyrra árið, og eingin vøkstur skuldi vera seinna árið.

Men tað vilja fakfeløgini ikki,. Tey vilja samráðast hvørt sær, sigur Anfinnur Garðalíð, formaður í Føroya skipara- og navigatørfelag, sum skal á fund við Fíggjarmálaráðið hósdagin.