Roykur frá handverkarum fekk alarmin í gongd

Tað var ikki tekniskt brek í brandalarminum á Glasi, tvørturímóti virkaði hann, sum hann átti at gera, tá hann fór í gongd í nátt.

Roykur frá handverkarum gjørdi, at alarmurin fór í gongd, sigur Tummas Pauli av Reyni, átaksleiðari hjá Tórshavnar sløkkiliði.

Politiið fekk fyrstu fráboðanina klokkan 14 minuttir yvir eitt í nátt. Nógvar fráboðanir komu.

Stilli var og mjørki í nátt, so alarmurin hjá Glasi hoyrdist víða um. Hann hoyrdist millum annað í Tórfinsgøtu, sigur politiið.