Politikarar skulu ikki leggja seg út í ósemjuna

Meiriluti er ikki í politisku flokkunum fyri, at politiska skipanin skal leggja seg út í, hvussu Atlantsflog setur starvsfólk.

Ósemja er millum Flogskiparafelagið og Atlantsflog um setanina av flogskiparum, og Flogskiparafelagið hevur lagt málið fyri Fasta Gerðarrættin.

Fakfelagsráðið tekur undir við Flogskiparafelagnum og sigur, at Atlantsflog hevur brotið sáttmálan.

Av politikarunum, sum Útvarpið hevur tosað við, hevur Kristin Michelsen í Sjálvstýri greiðastu støðuna: Landið skal ikki leggja seg út í málið, sigur hann.