Búskapurin minkar nógv í ár

Korona hevur við sær, at búskaparvøksturin minkar næstan sjey prosent í ár, men longu næsta ár verður mett, at vøksturin í bruttotjóðarúrtøkuni verður hálvt sætta prosent.

Búskaparráðið sigur í heystfrágreiðingini, sum varð kunngjørd í dag, at talan er ikki um kreppu, men heldur um ein stoyt, sum búskapurin hevur fingið í hesum árinum..

Búskaparráðið mælir frá átøkum, sum kunnu minka væntaða hallið á fíggjarlógini, ella at stimbra við almennum íløgum..

Hoyr samrøðu, sum Sólvit Nolsøe gjørdi við Hera á Rógvi, formann í Búskaparráðnum, í útvarpstíðindunum.