Stúrin um vegaføringina til Suðuroyartunnilin

Í hesum døgum verður skipað fyri kunningartiltaki um Suðuroyartunnilin. Í gjárkvøldið var kunningarfundur heima á Sandi, og Mørkin Mikla var stúgvandi full av áhoyrarum.

Baldur av Skarði, sum er fluttur til Sands við húski, er stúrin um, at vegurin til Suðuroyartunnilin fer gjøgnum Sands bygd.

Hann vísir á, at verður ferðslan meira enn tvifaldað, verður tað ótrygt bæði hjá børnum og vaksnum.

Baldur av Skarði heldur eisini vansar vera, at tunnilsmunnin verður í Djúpadali við Stóravatn, tí vandi er fyri umhvørvinum har,  

Hann sigur, at lítið hevur verið kunnað um verkætlanina, og hoyringarfreistin til størstu verkætlan ú landinum er eisini sera stutt.

Hoyr samrøðu, sum Annika Bolton Mortensen gjørdi við Baldur av Skarði í Degi og Viku í gjárkvøldið:

Í kvøld klokkan 19 verður kunningarfundur um Suðuroyartunnilin í Finsen í Havn.