Kundu ikki eftirlíka krøv frá venjaranum

Glenn Ståhl hevði nøkur krøv til nevndina í NSÍ, sum nevndin ikki kundi eftirlíka, og tí steðgaði samstarvið.

Tað sigur Dánial Hansen, formaður í NSÍ, eftir at venjarin hjá besta mansliðnum í fótbólti hjá NSÍ brádliga varð sagdur úr starvi týskvøldið.

Tað verða Jens Martin Knudsen og Poul Helgi Jacobsen, sum fara at standa á odda fyri NSÍ, tað sum er eftir av kappingarárinum.

Teir hava báðir verið partur av venjaratoyminum hjá NSÍ í hesum kappingarárinum, og verða, sambært formanninum í NSÍ, javnsettir sum fyribilsvenjarar, til ein nýggj loysn er funnin.

Hoyr innslag í útvarpstíðindunum.