Veljararnir fáa hvør sín penn

Har vera bæði frástøða og spritt í høllini á Hálsi valdagin. Og hvør veljari fær sín penn.

Leiðreglur eru gjørdar um, hvussu kommunuvalið verður skipað í hesum koronutíðum.

Høllin á Hálsi í Havn er nógv størsta valstaðið í Føroyum. Har eru 13.264 veljarar.

Tá fólk hava valt, fara tey úr høllini í norðara endanum, so tey ikki ganga fram við teimum, sum eru á veg inn í høllina.

Tey, sum skulu velja skúlastýri, fara til viks, tá tey hava valt í býráðið, og velja eina aðrastaðni í høllini.