Ov dýrt at brúka Eysturoyartunnilin

Tað kostar alt ov nógv hjá Bygdaleiðum at koyra í Eysturoyartunlinum, og tunnilsgjaldið skal lækka.

Tað sigur Jørgen Niclasen, landsstýrismaður í fíggjar- og samferðslumálum.

Tunnilsgjaldið fer at eta alla sparingina, sum stytta koyritíð gevur, og tískil verða pengar ikki til at røkja teir partar av landinum, sum missa busssambandið við Eysturoyartunlinum, eitt nú Sundalagið, sigur hann.

Jørgen Niclasen svaraði einum munnligum fyrispurningi um málið í tinginum í dag.