Landsverk kappast ikki, sigur landsstýrismaðurin

Landsverk kappast ikki, sigur landsstýrismaðurin
Landsverk er givið at asfaltera. Ger nú bara asfalt. Asfalteringin verður boðin út
Úr Eysturoyartunlinum.
 
19.06.2018 - 07:17

Landsstýrismaðurin í samferðslumálum, Henrik Old, avsannar, at Landverks kappast við privatar fyritøkur um asfaltsarbeiði.

Tað ger hann í svari til Kára P. Højgaard, løgtingsmann, sum spurdi, hví Landsverk og HJ Asfalt 19.februar í ár stovnaðu felagið, Í/F HJ-LV Tunnil Eysturoy. 

Hetta íognarfelag varð strikað ein mánað seinni.

Tvey boð komu upp á at leggja asfalt í Eysturoyartunlinum, annað var frá felagnum hjá Landsverki og HJ asfalti, hitt boðið var útlendskt.

Landverk er, síðani boðini vórðu latin NCC, givið at leggja asfalt. Nú ger Landsverk bara asfalt og bjóðar út útleggingina millum tríggjar privatar fyritøkur í Føroyum.

Løgfrøðin mælti til at stovna felag

Landsverk greiðir frá, at løgfrøðiliga ráðgeving stovnsins mælti til at gera íognarfelag fyri at tryggja greitt ábyrgdabýti millum Landsverk og HJ Asfalt til at fremja verkætlanina “asfaltarbeiði í Eysturoyartunlinum”. 

Eitt samtak, konsortium, av hesum slagi er ikki at rokna sum sjálvstøðugt felag, men sum samstarv millum partar. 

Vinnufelagslógin krevur, at tílíkt samstarv verður skrásett hjá Skráseting Føroya. 

Tí varð íognarfelagið sent Skráseting Føroya. Hetta var tó eitt mistak, tí skyldan at skráseta tílíkt konsortium er ikki galdandi, tá ein luttakari er almennur stovnur. 

Tí varð ognarfelagið strikað aftur hjá Skráseting Føroya, sigur Henrik Old í svarinum. 


 

Er kopiera
Nýggjastu sendingar í ÚV
Mikudag 26. februar
Morgunlestur mikudagur 26. februar 2025
187865
Týsdag 25. februar
LEITISSTEIN 25.02.2025 (Teitursa kvæði)
188282
Týsdag 25. februar
Breddin: Trý ár við kríggi
188252
Týsdag 25. februar
Góðan morgun Føroyar
188242
Nýggjastu sendingar í SV
Mikudag 26. februar
Dagur og vika - teknmálstulkað
188292
Týsdag 25. februar
Veðrið
188278
Týsdag 25. februar
Dagur og vika við 3-2 - teknmálstulkað
188272
Týsdag 25. februar
Danny og bussførari
187889
Sunnudag 23. februar
Guðstænasta úr Norðskála kirkju
188168